देश-विदेशातील धर्मगुरूंची उपस्थिती!
पुरोगांव (जैन टुडे प्रतिनिधी):
सकल जैन समाज पुरोगांव व परिसरातील जैन बांधवांच्या वतीने श्री १००८ मुनिजेंद्र आदिनाथ जिनबिंब पंचकल्याणक प्रतिष्ठा आंतरराष्ट्रीय महोत्सवाचे भव्य आयोजन करण्यात आले आहे. हा पवित्र धार्मिक व सांस्कृतिक सोहळा बुधवार, १८ फेब्रुवारी ते रविवार, २२ फेब्रुवारी २०२६ या कालावधीत श्रमण संस्कृती तीर्थ पुरोगांव (महाराष्ट्र) येथे संपन्न होणार असून, हजारो भाविकांसाठी हा आध्यात्मिक उत्सव ठरणार आहे.
या पाचदिवसीय महोत्सवात जिनबिंब प्रतिष्ठा, पंचकल्याणक विधी, महामस्तकाभिषेक आणि विश्वशांती महायज्ञ यांसारख्या प्रमुख धार्मिक कार्यक्रमांचे आयोजन आहे. जन्मकल्याणक, तपकल्याणक, ज्ञानकल्याणक, दीक्षाकल्याणक आणि मोक्षकल्याणक असे पंचकल्याणक विधी भक्तिमय वातावरणात पार पडणार आहेत. याशिवाय, प्रवचने, धार्मिक चर्चा, सांस्कृतिक कार्यक्रम आणि समाजप्रबोधनात्मक उपक्रमही भाविकांना आकर्षित करतील. महोत्सवाला देश-विदेशातील नामवंत जैन आचार्य, मुनिराज, साध्वीजी आणि धर्मगुरूंची पावन उपस्थिती असणार आहे. त्यांच्या मार्गदर्शनात हे सर्व विधी संपन्न होणार असून, जैन समाजासाठी हा एक ऐतिहासिक क्षण ठरणार आहे. “या भव्य आंतरराष्ट्रीय महोत्सवात मोठ्या संख्येने भाविकांनी उपस्थित राहून धार्मिक लाभ घ्यावा,” असे आवाहन आंतरराष्ट्रीय पंचकल्याणक प्रतिष्ठा महोत्सव समिती आणि सकल जैन समाज पुरोगांव व परिसरातील समाजबांधवांच्या वतीने करण्यात आले आहे.
हा महोत्सव जैन संस्कृतीच्या संवर्धनासाठी एक महत्वपूर्ण पाऊल असून, भाविकांसाठी आध्यात्मिक ऊर्जा मिळवण्याची संधी आहे. अधिक माहितीसाठी समितीशी संपर्क साधावा.