कलशतीर्थ पंचमेरू मानस्तंभाची दिव्य प्रतिष्ठा,

पुणे | दि. १
पुण्याजवळील भांडगाव (यवत) येथील भक्तामर कलश तीर्थ येथे ११ ते १५ मार्च २०२६ या कालावधीत श्री मजिनेन्द्र पंचमेरू मानस्तंभ पंचकल्याणक महोत्सव आयोजित होणार आहे. या महोत्सवात नवग्रह जिन प्रतिमा, चौबीसी, १०८ वेळा भक्तामर फलप्रदायक नंद्यावर्त, १०८ ऋषभ जिन प्रतिमा यांच्या प्रतिष्ठेनंतर पंचमेरू व भक्तामर मानस्तंभाची अत्यंत भव्य प्रतिष्ठा होईल, ज्यामुळे हे तीर्थ पूर्णत्वाला पोहोचेल.

मांगलिक द्रव्यांनी मंत्रित केले जाणारे हे मंगल कलश तीर्थ या युगातील भक्तांचे कल्याण करणारे ठरेल. या प्रतिष्ठेला अष्टांग निमित्तज्ञ जगद्गुरू गणधराचार्य कुंथूसागरजी, वात्सल्य दिवाकर प्रवचन वाचस्पती गणाचार्य पुष्पदंतसागरजी, जिनधर्म रक्षक राष्ट्रसंत आचार्य गुणधर नंदी, ऋषी तीर्थ प्रणेते आचार्य प्रसन्न ऋषी तसेच विश्वसंत डॉ. आचार्य प्रणामसागरजी गुरुदेव यांच्या कृपाशीर्वादाने पार पडणार आहे. मुख्य प्रतिष्ठा सूरी मंत्र श्रीमद्‌जिनेन्द्र कुंथूसागरजी महाराज यांच्या हस्ते होईल.

पंचकल्याणक महोत्सव हा जैन धर्मातील गर्भ, जन्म, तप, ज्ञान आणि मोक्ष या पाच कल्याणकांचा भव्य उत्सव असतो. भक्तामर स्तोत्रावर आधारित हे तीर्थ आणि पंचमेरू मानस्तंभाची प्रतिष्ठा जैन समाजासाठी अत्यंत पवित्र आणि प्रेरणादायी ठरेल. या ऐतिहासिक क्षणाचे साक्षीदार होण्यासाठी श्रद्धालूंनी पूर्वनियोजित आरक्षित नोंदणी अवश्य करावी, असे आवाहन आयोजकांनी केले आहे.

आयोजन पंचकल्याणक प्रतिष्ठा समिती आणि आंतरराष्ट्रीय भक्तामर प्रभावना संघ यांच्या वतीने करण्यात असून, निवेदक प्रणाम धारा परिवार ट्रस्ट, भांडगाव (यवत), पुणे आहे. संपर्क: ९७५३५५१००८ / ९१४४६३१००८ / ७००८४३६६४

(वृत्त : विशेष प्रतिनिधी)